拿坡里見底咪追
上次講過邊個最唔自愛，其中提到國際米蘭的艾迪安奴，好彩近期呢位人兄同摩連奴有返偈傾，希望佢生生性性啦！機會真係唔會有好多次。至於最浪子回頭的首推艾迪安奴的同胞朗拿甸奴，細哨在巴塞羅那的後期因玩得太盡興，結果嚴重失態，最後被賣到AC米蘭。季初好多人都話AC米蘭入錯貨，但事實證明佢哋眼光獨到。
當然，都要朗拿甸奴自己生性，經過自我摧谷之後，朗拿甸奴狀態全面回升，AC米蘭亦成為直接的得益者。
講返今晚比賽，意甲有場重頭戲，就係國際米蘭主場對拿坡里，初盤硬讓一球，似乎就冇乜甜頭。但事實上，國際米蘭好重視呢場波，戰意絕對不用懷疑，讓一球都要捧場。在上周中的歐冠盃，國際米蘭主場一球輸比彭拿典奈高斯，好明顯就係留力，因為已經出咗線唔使搏，所以今場波國際米蘭係有備而戰，實力、狀態和鬥心都好足。
至於季初曾有驚喜的拿坡里已經見底，作客更加係弱項，拿維斯、丹尼斯目標過大，以摩連奴的功力，當然有計，所以拿坡里要在聖西路球場取得入球唔容易，反觀攻力有保證的國際米蘭要入兩球唔係問題。
推介：國際米蘭勝2:0
