01/12/2008
文： 關爺
今晚賽事都係實力懸殊之戰，形勢非常清晰，關爺全力推介德乙獨腳戲，FSV法蘭克福主場對緬恩斯，包尾大幡FSV法蘭克福基本上已無藥可救，成為列強搶分對象，身為爭升班大熱緬恩斯，梗係唔會執輸，難得[被屏蔽广告]客W仲有1.75倍，又好分頭又穩陣。（周二凌晨3時15分開賽）
FSV法蘭克福今季唯一勝仗，就係擊敗同為升班馬奧柏侯遜，足見佢根本冇能力德乙立足，並且成為強隊「提款機」，對住幾支前列球隊，包括艾倫、凱沙羅頓、亞琛同弗賴堡等都輸波收場，大肆派分，緬恩斯今次一場來到，當然要分一杯羹。
緬恩斯上季差少少就可以升上[被屏蔽广告]德甲，今季對升班席位可以話志在必得，即使作客賽事，亦往往採取主動，近四場作客就贏三場，包括擊敗兩支勁敵弗賴堡同艾倫。而且現時德乙前列幾隊分數非常接近，緬恩斯根本冇失分空間，只要使出真功夫，要擊敗FSV法蘭克福並冇難度。
波圖賓菲加主場齊開餐
另外，葡超兩大老牌勁旅波圖同賓菲加分途出擊，波圖取得[被屏蔽广告]歐聯十六強席位後，勢必全力在聯賽收復失地，今仗主場迎戰三連敗科英布拉大學，應可以淨贏兩粒或以上，捧「讓球主勝」。賓菲加剛於[被屏蔽广告]足協盃遭逢大敗，今次回到主場必須向球迷作出交代，勢必塞圖巴爾祭旗。
