2026世界盃：麥總發憤法國速破塞內加爾 半場主勝好路_東方日報
2026-06-16
世盃免費有得睇「麥總」！法國今晚I組首輪硬撼塞內加爾。法國雖然星光熠熠，但個個都要為基利安麥巴比服務，呢位隊長力爭喺世盃重振聲威，為免夜長夢多，今場必定先發制人，半場主勝好路。（ViuTV99台、Now 618及616周三凌晨3時直播）文:法達斯維
踢世盃特醒衝擊士哥王
上屆亞軍法國近3屆世盃至少入8強，其中近兩屆獲得1冠1亞，而且今屆係主帥迪甘斯最後1次領軍，梗係想好頭好尾。「高盧雞」前線人才滿瀉，無論係ＰＳＧ嘅奧士文尼迪比利、迪斯亞杜伊，抑或米高奧利斯及卓基等，個個都獨當一面，不過「麥總」麥巴比先至係主角。
麥巴比過去2季喺皇馬未如人意，反而令佢有額外動力踢世盃，何況呢位隊長出戰世盃特醒。「麥總」過去兩屆共入12粒，場均入0.86球，效率奇高，上屆入8球奪得金靴，近12屆只有「大哨」朗拿度（2002年）單屆入波拍得住佢，「麥總」依家喺世盃歷史射手榜，落後榜首嘅德國名宿高路斯4球，絕對有力衝擊史上士哥王。睇番法國近5仗獲4勝1負之餘，全部喺上半場已取得領先優勢，非常搶韁。
年頭被褫奪非國盃冠軍嘅塞內加爾亦非善類，坐擁沙迪奧文尼、伊斯美拿沙亞等猛將，而且呢場係2002年世盃揭幕戰翻版，當時塞軍爆大冷贏波，今次梗係想重溫舊夢，但佢哋近2仗熱身賽，先不敵美國及悶和沙特阿拉伯，狀態麻麻，加上上屆決賽周對英格蘭及荷蘭都輸波，面對法國搶攻，隨時半場都頂唔住。
踢世盃特醒衝擊士哥王
上屆亞軍法國近3屆世盃至少入8強，其中近兩屆獲得1冠1亞，而且今屆係主帥迪甘斯最後1次領軍，梗係想好頭好尾。「高盧雞」前線人才滿瀉，無論係ＰＳＧ嘅奧士文尼迪比利、迪斯亞杜伊，抑或米高奧利斯及卓基等，個個都獨當一面，不過「麥總」麥巴比先至係主角。
麥巴比過去2季喺皇馬未如人意，反而令佢有額外動力踢世盃，何況呢位隊長出戰世盃特醒。「麥總」過去兩屆共入12粒，場均入0.86球，效率奇高，上屆入8球奪得金靴，近12屆只有「大哨」朗拿度（2002年）單屆入波拍得住佢，「麥總」依家喺世盃歷史射手榜，落後榜首嘅德國名宿高路斯4球，絕對有力衝擊史上士哥王。睇番法國近5仗獲4勝1負之餘，全部喺上半場已取得領先優勢，非常搶韁。
年頭被褫奪非國盃冠軍嘅塞內加爾亦非善類，坐擁沙迪奧文尼、伊斯美拿沙亞等猛將，而且呢場係2002年世盃揭幕戰翻版，當時塞軍爆大冷贏波，今次梗係想重溫舊夢，但佢哋近2仗熱身賽，先不敵美國及悶和沙特阿拉伯，狀態麻麻，加上上屆決賽周對英格蘭及荷蘭都輸波，面對法國搶攻，隨時半場都頂唔住。