2026世界盃：魔翼孭飛攻力飆升 西班牙快刀速破奧地利_東方日報
2026-07-02
今晚世盃32強重頭戲，由西班牙火併奧地利。「狂牛兵團」自新世代球星拉明耶馬復任正選後，進攻明顯更有效率，為免夜長夢多，必趁奧地利初段唔集中先發制人，半場主勝有計。（Now 618及616周五凌晨3時直播）文:邪神
今屆世盃淘汰賽比以往多咗1輪，令戰局出現變化，之前德國、荷蘭等歐洲傳統勁旅於32強止步，絕對有辦你睇，因此西班牙今場都唔好咁老定。事實上，「狂牛兵團」喺H組首輪就畀佛得角悶和互交白卷，雖然翼鋒尼高拉斯威廉斯受傷患困擾，好彩另一隻「魔翼」拉明耶馬之後兩仗及時擔正，立即為西班牙連贏沙特阿拉伯及烏拉圭，獲得首名出線。
無可否認，拉明耶馬實力大超班，無論係邊路側擊或直接埋門，都可以用秀麗腳法玩到對方後衞氹氹轉，再配合奧耶沙巴爾等隊友，實在防不勝防，加上「狂牛兵團」擅於搶開局，近4仗有3次上半場取得領先優勢，嚟到一場過淘汰賽，勢必快刀斬亂麻。
高位逼搶防線露破綻
另邊廂，奧地利喺「逼搶之父」蘭歷克帶領下，於J組以1勝1和1負獲次名出線，其中尾輪要靠補時入波先逼和阿爾及利亞3比3，非常驚險，而且奧地利喺呢3仗全部有失波，其中兩仗上半場已被攻陷，明顯欠缺集中。同時高位逼搶打法，難免令佢哋防線暴露更多空位，益晒耶馬嘅快攻進襲，恐怕隨時連半場都頂唔住。
今屆世盃淘汰賽比以往多咗1輪，令戰局出現變化，之前德國、荷蘭等歐洲傳統勁旅於32強止步，絕對有辦你睇，因此西班牙今場都唔好咁老定。事實上，「狂牛兵團」喺H組首輪就畀佛得角悶和互交白卷，雖然翼鋒尼高拉斯威廉斯受傷患困擾，好彩另一隻「魔翼」拉明耶馬之後兩仗及時擔正，立即為西班牙連贏沙特阿拉伯及烏拉圭，獲得首名出線。
無可否認，拉明耶馬實力大超班，無論係邊路側擊或直接埋門，都可以用秀麗腳法玩到對方後衞氹氹轉，再配合奧耶沙巴爾等隊友，實在防不勝防，加上「狂牛兵團」擅於搶開局，近4仗有3次上半場取得領先優勢，嚟到一場過淘汰賽，勢必快刀斬亂麻。
高位逼搶防線露破綻
另邊廂，奧地利喺「逼搶之父」蘭歷克帶領下，於J組以1勝1和1負獲次名出線，其中尾輪要靠補時入波先逼和阿爾及利亞3比3，非常驚險，而且奧地利喺呢3仗全部有失波，其中兩仗上半場已被攻陷，明顯欠缺集中。同時高位逼搶打法，難免令佢哋防線暴露更多空位，益晒耶馬嘅快攻進襲，恐怕隨時連半場都頂唔住。