奧女足：德國強鋒大省招牌_東方日報
2024-07-25
女奧足B組首輪即有大戰，由德國女足火併澳洲女足。「日耳曼女足」近期連場報捷，續有舒卓娜及阿歷珊達波普擔大旗，勢必火力全開，不過「袋鼠女」亦唔係人咁品，寸土必爭隨時大手交易，2.5球大盤有計。
（HOY聽TV聽76台周五凌晨1時直播）
德國女足今次喺歐洲區外圍賽擊敗荷蘭取得季軍，趕上奧運尾班車。呢支「日耳曼女足」以禾夫斯堡同拜仁女子隊為骨幹，前線嘅舒卓娜及隊長阿歷珊達波普仍然交到貨，難怪近6場贏5場之餘，更狂轟17粒，全開3球或以上，攻力有保證。
澳洲近6場轟19球
另邊廂，澳洲女足呢支新興強隊喺上年女世盃取得第4名，實力不容忽視。儘管森卡爾因傷無緣奧運，好彩仲有瑪莉科娜同卡特琳芙特助陣，攻力未受太大影響，近6場錄4勝共入19粒，實力不容小覷。加上近4次碰頭全開3球或以上，預計今仗會同德國女足展開駁火，入球大係不二之選。