英聯盃：雲佬盃賽有心得博曼聯換帥反彈_東方日報
2024-10-30
今晚另一場英聯盃16強，曼聯主場火併李斯特城。「紅魔鬼」啱啱炒咗領隊坦哈格，看守主帥雲尼斯達萊首次擔大旗，會有一番新景象，特別係佢哋踢本土盃賽比較穩定，跨屆近9場英聯盃贏咗8場，全部淨贏2球或以上，今場讓一球、球半照要上盤。（無綫myTV SUPER周四凌晨3時45直播）
曼聯近8場比賽僅得1勝，同坦哈格戰術失誤有關，隨住佢嘅「落鑊」，球員總算鬆一口氣。加上看守領隊雲尼斯達萊球員時代屬「紅魔」代表人物，球員都甘心為佢賣命。值得一提「雲佬」教波後喺盃賽成績唔曳，2022/23年球季就曾帶領燕豪芬贏過荷超盃及荷蘭盃。
李斯特城護級大過天
李斯特城今季重返英超顯得力有不逮，開始捲入降班漩渦，佢地首要目標係保住英超席位，盃賽成績只屬次要，尤其嚟緊周六同葉士域治合演護級大戰，今場未必去盡，以免因小失大。曼聯上次主場對李斯特城大炒3蛋，有望重溫好夢。文:臻贏特