友誼賽：「穩陣派」拍跳丹麥好守細_星島日報
2024-06-07
周四凌晨國際熱身賽，丹麥喺主場迎戰瑞典，兩支北歐球隊風格接近，雖然瑞典冇份踢嚟緊嘅歐國盃，不過丹麥亦係試陣為主，預料雙方都會貫徹穩陣作風，今仗入球機會唔會太多，博2.5球嘅入球細係最佳選擇。（周四凌晨1時開賽）
丹麥已確定26人名單，些路迪中場奧列尼同般尼茅夫中場菲臘標寧爭議性落選，領隊賀文特會作出試陣，海倫、基斯甸艾歷臣等主力唔會踢足全場。丹麥向來踢法穩陣，佢哋上一次喺主場熱身賽失波，已經係7年前嘅事，之前11次主場熱身賽都冇失球，相當誇張。
瑞典冇基尼斯火力減_星島日報瑞典今仗陣容不整，最大損失係葡超神射手基奧基尼斯因傷缺陣，佢啱啱做完膝頭手術要抖幾個星期，令球隊火力大打折扣。兩支北歐兵踢法都係穩陣為先，近3次交鋒總入球全開2球或以下，今場再開入球細機會高。