沙特職：艾費哈艾哈森普細歡騰賀聖誕_東方日報
2025-12-26
沙特職休戰1個月後，聖誕節重新啟航，打頭陣有艾費哈主場迎戰艾哈森。對戰雙方目前排喺聯賽中游位置，入球能力不足係兩隊「通病」，而且今場各自有主力前鋒離隊踢非國盃，令入球能力進一步削弱。呢場聖誕大戰相信會以平安為上，中位數2.5球入球細玩得過。（on.cc東網周四晚10時50分直播）文:工廠仔
艾費哈依家排第10位，僅僅高過排第11位嘅艾哈森，佢哋入波分別只得11球同8球，係前12名球隊當中入波最少嗰兩隊。艾費哈喺休戰期前狀態差勁，近4場聯賽輸咗3場，就算喺主場出擊都冇太大分別，對上5場主場得1勝，近6次主場有5次總入球開2球或以下。
非洲兵缺陣攻力更弱
最令艾費哈主帥柏度艾曼紐頭痛嘅係，今季有2入波同2助攻嘅前鋒沙卡拉，正為贊比亞踢非國盃而未能候命，呢位「10號仔」係球隊進攻命脈，今季每場比賽每一分鐘都踢足，依家鋒線頓失重心，令本已疲弱嘅鋒力再受削弱，今場想入波都唔係咁容易。
作客嘅艾哈森亦同病相憐，佢哋本來已經係今季入波第2少球隊，場均1場入唔夠1球。艾哈森喺休戰前最後1輪2比1贏艾科魯特，終止4場不勝頹勢，但入波功臣莫卡華亦要為南非出戰非國盃而缺陣，如無意外今場會專注防守博1分，2.5球入球細最抵玩。
艾費哈依家排第10位，僅僅高過排第11位嘅艾哈森，佢哋入波分別只得11球同8球，係前12名球隊當中入波最少嗰兩隊。艾費哈喺休戰期前狀態差勁，近4場聯賽輸咗3場，就算喺主場出擊都冇太大分別，對上5場主場得1勝，近6次主場有5次總入球開2球或以下。
非洲兵缺陣攻力更弱
最令艾費哈主帥柏度艾曼紐頭痛嘅係，今季有2入波同2助攻嘅前鋒沙卡拉，正為贊比亞踢非國盃而未能候命，呢位「10號仔」係球隊進攻命脈，今季每場比賽每一分鐘都踢足，依家鋒線頓失重心，令本已疲弱嘅鋒力再受削弱，今場想入波都唔係咁容易。
作客嘅艾哈森亦同病相憐，佢哋本來已經係今季入波第2少球隊，場均1場入唔夠1球。艾哈森喺休戰前最後1輪2比1贏艾科魯特，終止4場不勝頹勢，但入波功臣莫卡華亦要為南非出戰非國盃而缺陣，如無意外今場會專注防守博1分，2.5球入球細最抵玩。